Alpin

Na gaméla 'd vin,
na macia 'd sangh
an sla fiòca bianca,
na piuma d'òja 'n sël capel.
Un drapò
carià 'd midaje
për una frontiera
parà con jë stòmi patanù.
Sent simiteri
con le cros grise
anlignà e quatà
dal cel largh
parèj dle mantlin-e svantajà.
Un còro
'd vos grossere
ch'a calo giù
për ciamé ij bòcia
a la montagna amisa.
Cheur
ch'a bato ansema,
ch'a batìo ansema
ant l'arcòrd ëd j'alpin
mai mòrt!