Ma ti masnà

Ma ti masnà
ch'it varde 'I cel
sercand le nivole o 'n vòl d'osej
it podras diventé n'òmo?
Difente
che 'I ciman at sisiss
e gnun a të scota
Toe dësmore a son tòch
ëd màchine dësblà
Antorn a ti
gnun passaròt a ciancëtta
'n vòl ëd farfale 'd plastica
na bigieuja amplacà sla muraja
na cort grisa
ch'a spussa 'd piss ëd can
'n sol spali a s-ciairiss
'n baron dë mnis
Na radio a dis
— 'Auta conquista social...
yiva chiel-là... abass chiel-lì... —
Ël mond a andrà mai pì mal
Tò dësmorete as fërma nen
për ti la màchina dël temp
a l'ha nen fàit sò programa
toa scheda a l'é nen ëstàita foratà:
it ses fortunà
it ses 'ncora na masnà.