Neuit sensa fin

Noi i soma padron dël mond
l'oma pì nen paura
dla neuit
coma quand j'ero masnà
quand i giugavo a stërmesse
'nt lë scur ëd le cròte
e mi it robava 'n basîn.
Mila poesie nen dite
ij prim bijétin d'amor
la veuja dë sté 'nsema ti
parlé dël doman
ël tò vestì bianch da sposa
ij magon le gòj l'amor
colorà 'd bleu
coma ij vestì
dë vlù dle masnà:
'I temp a l'é passà.
Adess che i soma a la fin
i l'oma nen paura dël doman
përché
noi i l'oma dëstilà
dal lambich ëd la vita
mach la gòj
le neuit a saran
sempre ciàire 'nsema ti
fin-a a la fin.