A un amìs - a Cesare Pavese

Ij falò fan pì nen ciàir
le vos ch'as sento antorn
a diso 'd ti ròbe lontan-e
ij tò dèscors ij tò pensé
toa vita passà a serché doman,
ma darera ai tò uciaj
gnun a l'ha vist:
tò mond a l'é stàit mach tò.
A-i é mach ëd fum
e la lun-a a l'é sempe là
e noi pì cit e gram
i soma sì a guardé doman
e ij di as fan lontan.
I son setame fòra 'd na gesia
spetand inutilment Nosgnor
ma i l'hai nen vistlo,
e di për di
'I pan ëd la comprension
as fà pì dur.
Mia ànima a serca sota le sòle
còse perdùe
pistand le neuve,
antramentre a më scarsin-a sota ij pé
la sënner d'un falò giumai dëstiss.