Cronaca

A-i era scrìt an sël giornal dë stamatin:
Tale Botal Pierino, manovale è deceduto
in un incidente sul lavoro.
Manoval, e a va bin, i son nen forse n'òmo coma j'àutri?
Un di a l'han ciamame, a l'han dame 'n fusil e via
a la fam, al frèid e a la paura, ma sempre anans
fin-a a la fin, dai, Pierin.
E a la fin, posà 'I fusil, a l'é stame la fam e 'I frèid
e torna manoval.
Ant ël quaranta, torna 'I sòlit fusil
la sòlita fam, e" ancora tanta paura
sù e giù për le montagne
con ij plùfer dapress.
E a la fin, posà 'I fusil
ancora fam frèid e sempre manoval.
Siòperi, bataje sensa fusil
për n'ideal
fam bòte galera.
A-i era tutun na promëssa
un di saroma tuti uguaj
e i son ancorzumne
coma a l'é stàit vera:
a-i era scrit an sël giornal
È morto in un incidente
sul lavoro un tale Botal Pierino, manovale...