Veja mostra

La solitùdin a slonga la neuit
a mangia ij di
ij mèis le stagion j'ani.
La veja mostra
ch'a batìa con sò tich tach
ij second e le minute
a l'é vnuita mecànica
coma la vita d'ancheuj.
It veuj bin solitùdin
ant le neuit eterne
e 'nt ël veuid nen ciaciarà
da vos indefinìe
lë slusor dël sol
a l'é pì bel
e a l'é mach mè.
Mie man a së slongo angorde
për dëstissé le stèile
e fé neuit.
Për fërmé 'I temp
sté da sol
coma quand son nà
coma quand i murirai:
për pensé doman
për vive ancheuj.