La mla istà

Asfalt bujent, gent sudà straca
la camisa tacà a la pel
moment ëd rabia për ël calor
un fassolet an man
për suesse 'l sudor
un bicer d'aqua frèida
'I gelato ch'a cola
ij pé ch'a fan mal
ël travaj fàit con pòca veuja
'I seugn e la veuja
dël verd dij bòsch e dij prà
anche costa a l'é istà.
Le scòle a son veujde
ij banch a speto nen d'àut
che ij crij ëd le masnà
an sla lavagna a-i é ancora scrit
Buone Vacanze
Fòra 'I sol a brusa
la cort ormai veujda
pì an là verss ij bòsch
quat vache a pasturo
a l'ombra dle piante
rumiand meusie.
La sèira a ven pian pian
ël ciel as tens ëd color
che a van dal reusa al viòla povros
a son color che gnun penel a podrìa mai fé
la coral di grij
a speta nen d'àut për taché a canté
le stèile pian pian ancamin-o a rivé
e la neuit squasi as n'ancalèissa
nen ancaminé, e quaté
timidament ij color dël sol
che as na va,
anche costa a l'é istà.
Na fnestra doverta
al son ëd na radio la gent
an sël pogieul le masnà ant la cort
e n'òmo ch'a torna dal rusch strach,
ma content ëd podèj buté ij pé a meuj
e mangé n'insalada al banchet ëd l'anguria
ij deòr dij cafè l'ùltim tram ch'a passa veujd
con ij finestrin duvert anche còsta a l'é istà:
la mia da òmo con ël cheur da masnà.