Ani neuv

L'alegria, 'I gigét, i salut côntent dla gent
ch'a passa a veulô di: bôn ani.
L'auguri ch'a vola a l'é un sôl ans la
bôca 'd tuti: ani neuv, vita neuva.
Mi i sentô, setà a l'ultim taôlin tacà a la strà,
'nt la mia piola ch'a l'é 'n pò cà mia
criesse darera j'auguri, côntent,
fôrsse anche chërdend ant l'ilusiôn
ch'a sia vera, che un di nen lôntan a peussa
cambié fôrsse 'na vita; tute bale, invenssiôn
për stermé 'I pi dle volte la vrità Ch'a sia
crùa për j'aôtri i sei nen, ma për mi l'é côme
l'invenssiôn che un di la fôrtun-a a peussa
tambussé anche a la porta d'un pover... tute
bale, certament inventà da chi l'ha tanta fôrtun-a
e për nen fesse pié 'n gheuba a lô spàntia a gent
côme mi. Mesaneuit, quand ch'a sôn-rà, sarà parei
ëd j'aôtre, un di 'd pi, un ani, e am restô le stesse
cose ëd côi già passà, triste e alegre côma sôn
sempre staite. L'unica cosa ch'i sperô ch'a cambia
l'é 'I vin an poch amer e, fôrsse, l'é propi chiel
ch'am fa sente 'n pò l'amarëssa dël temp ch'a côr via.
Passiensa, chissà che 'n aôtr ani peussa nen andé mej.
Sperôma!