Ombre e paròle

Gieug ëd lus
l'ombra am ven d'apress
crijo paròle
l'arson a j'armanda
i scapo am ven dapress
i son ës-ciav
ëd lòn ch'i l'hai crijà
padron
ëd lòn ch'i l'hai nen dit.
Spale al mur
chila darera sbëfiosa
sota j'ale dij gabian
gnu-ne ombre
mach seugn ëscur
sensa ombre
silensi boche vëuide.
A fiorisso erbo 'd siringhe
con rubin ëd sangh
ij seugn a l'han nen ale 'd gabian
ombre 'd pera
poesìe sotrà
stërmà
an mes a paròle
e ombre sombre.
Crijé për sente
lus për ës-ciairé
moment për ësperé
volé con ale 'd seugn
ansema a Pier
mè gabian
për sente
e nen vedde
doman.