Vent

El vent a passa crijand...
Am ciama... a veul porteme via con chièl
lontan
a virolé 'nt l'univers.
Ten-me s-ciass
ant ij tò brass!
Con toa boca sla mia,
tò còrp anvërtojà al mè!
Con l'amor ch'am brusa,
ten-me con ti,
parèj!
Lassa che 'I vent
a cora da sol për ël mond!
Lassa ch'am ciama mach
con vos cissosa!
Ma ten-me
sì, con ti.
E quand la neuit ëscura
a dësparirà,
i sarai 'ncora anvërtojà a tò còrp
e vestì 'd lus,
ij tò cavèj bogiand
s'arcordëran dël vent
che cola neuit a crijava!
Citin-a! Ven via con mì!
Am bastrà vardé ij tò euj,
tochete,
për pì nen sent-lo.
I faraj finta d'avèj sugnà
e avèj scotà dal vent
mach ël tò nòm,
amor!