Migrant

Adiù, pare.
Mentre 'I paesagi a cor an pressa,
it perdo
pòch për vòlta.
Ël tò ultim fiarì,
la larma stërmà,
la paròla neh dita,
tut a resta përzoné
dël zel bianch
ch'a quata
la tèra nèira
dij nòstri camp.
Adiù, pare.
I l'hai sotrà mia gioventura
dacant
a tò cheur dëstiss.
Ël temp a l'é scapà
'nt ij cit moment
vivù con ti.
Un temp perdù
prima d'esse tastà.
A-j restrà marcà 'ndrinta a mi
l'amor a la tèra
ch'at quata.
La tèra, che quand i tornërai
i sbogërai
con man ingorde,
për artrové
'n còrp
e n'anima.