Andess-ne

Im n'andrai për ël mond vestì 'd seugn
për artrové le fàule
ch'i l'hai scotà 'n di lontan
serchërai ij mar mai vëddù
le fiòche mai pistà
ij mercà 'ndova a vendo j'òmo
le gésie 'ndova a-i é 'ncora Nosgnor
le sità dësmentià e sotrà
marcërai con la facia patanùa
im farai sgiaflé dal vent e da la pieuva
scotërai la vos rabiosa dël mar
e vëddrai lë s-ciumì dle onde
setà sla riva d'un fium
i conterai le giornà lassandje andé
'nsema a l'eva ch'as na va pasia
coma la fin ëd la vita
'I vent am porterà con le fàule
ij crij dla gent disperà
o le rijade 'd gòj
o la vos d'un amis che i l'hai mai trovà
ma se im vëdde passé
ciameme nen andova i vado
tant iv respondërìa nen.