Soldà

Còsa it l'has vist
mentre it murìe?
Le muraje 'd ca
la facia 'd toa mare
'I soris ëd n'amor apen-a tastà
dime soldà
l'ultim ësguard anvers ël cel
prima 'd robaté për tèra
chissà cò a l'ha vist:
e 'I tò ultim pensé?
forse a t'arsonava ant j'orìe
la paròla libertà
le bataje as fan nen con le paròle
e ti it l'has batajà
për 'n tòch ëd tèra
adess i 't l'has
an sla toa tomba a scriveran
mòrt për la libertà
mè pòr soldà
libertà paròla veuida greva anciarmanta
për chi al l'ha
seugn për chi al l'ha nen
coma për ti mè pòr soldà
con j'euj da masnà.