Fleclà

Drapò siminere
flecià batùe subi
carnevaj mat, palass
cavaj giàun ross nèir
canté 'd grij
fij ëd fum nèir
contròj preghiere
paure, cariere
òmo grand
Napoleon cit
madòne anluminà
da mila candèile.
Pompista an divisa
bindej ross
pensé anfiamà
incendi domà
frà da gigant
pior rijade
tòghe nèire e bianche
papalin-e divise
sol nèir an sij camp.
Rije mat
lerme bleuve
a calo pian pian
an sla facia 'd un nano
doman ël sirch a ripart:
àotre batùe, àotre còse.