Öfaudal

B faudal che it l'has ësvëntajà
a Tavìa toa mare un di lontan
a l'ha lassatlo coma dòta
e ti coma signal
it l'has pendulo a la fnestra
për dime che it j'ere d'acòrdi
che it am vurìe bin.
Peui j'ani 'd sagrin
anlevé ij cit, la ca
e sempre tò faudal
ansema a ti
it lo lassave mach la sèira
it lo pendìe a pé dël let
për pielo a la matin.
A l'é servute a tut
suvé lerme, sudor
ël nass aj cit
a smijava part ëd ti
e quand che ij temp a j'ero gram
e as massavo frel con frel
it l'has dovralo coma drapò
për la speransa.
Anche quand
a l'han portate Stevo
forà da part a part
it ses quatate la facia
con tò faudal
për stërmé tò dolor
ëd mare, 'd dòna.
Adess che it ses andat-ne
i son sì con tò faudal
an man sensa vita,
ma ï sai còsa i farài.
I lo pendërài a pé dël let
iludend-me che ti it torne
con tò përfum, tò fé gentil
con toa vos càuda, a dine
ancora na vòlta: andoma cit,
la sin-a a l'é pronta
ciamé vòst pare.