Serenada

Sota tò pogieul stassèira
se it sentiras na serenada
sburdìss-te nen, son mi.
I veuj crijé al mond
che ti për mi
it ses tut
ël bel ël brut
Pancheuj ël doman.
Vorerìa avèj doe vite
për quand it penso
quand i të strenzo s-ciass
ant ij mè brass.
Saì nen se vivrai tant
ma arbeujo, seugno
arnassend di për di
vivend ëd tò respir.
Se mia vos sarà raucieugna
e tërmolerà na frisa
scotla l'istess
crijerai pì fòrt
che 'I rabel dël mond.
E se at diran
che mi i son mat
ti dije sì,
ma 'd ti
che it ses mia fomna
già da vint agn.