Scapé

Son nen ij mè pensë
la ciav ëd l'univers
mè euj son trasparent
mè cheur a pompa desideri.
Viv vita
viv gòj
e ti tèra
it sentiras
rusié le buéle
dal dent ëd fer
ëd la draga.
Ma quand i camperai
anvers ël cel
le pere dël magon
per bate la sòrt
i sarai sol
e ij dent ëd la draga
a scaveran sempe pì 'n fond
ma a troveran nen mia ànima.
I sarai scapà
'nsima la scionfëtta dël temp
e ij mè pensé a seurtiran a buf
da la siminera dij seugn.