Përchè doman?

Përchè a-i é mach doman e nen ancheuj?
J'àtim ch'as vivo a son buscaje ch'a vòlo
sperse 'nt un seugn.
Mè ànim inchiet a sa nen cos veul
i l'hai nen ëd rèis,
ant ël ciman a peulo nen spèrfondé.
I l'hai vagabondà
për desert,
girà për sità mòrte
che arvivo n'àtim
për chi a-i fà 'I regal
ëd deje vita.
Sota 'n cel polìd
carià d'ëstèile 'd n'oasi sperdùa
i l'hai crijà për sentme viv
e rijù dla facia dròla d'un mòro
ch'a l'ha chërdume mat.
Ij mar lontan, rabios
coma mia veuja
d'esse pasi
e coma l'onda
a torna al mar,
mi artové 'd ciman
pì mòl
për funghé mie rèis.
Për sòn che tuti ij di
im ciamo:
Përché a j'é mach doman
e nen ancheuj?