Va, masnà

Toa vos a son-a fàussa
antramentre ch'it dise
- Va, 'I mond a l'é tò
va, masnà...
'dcò ij tò euj a son nen limpid
a stërmo 'd còse che i sai nen
forse it l'has capì d'avèj përdù
it veule che mi vada lontan
a serché lòn che ti it l'has nen trovà
col mond che it chërdje bel
a l'é përdusse ant ël rabel
e ti it n'has pro 'd combate
për na pugnà 'd vent
për 'n seugn ch'a së slontan-a
për 'n doman ch'it l'has nen.
Pare, it capisso
ma as peul nen scapé
nen vëdde l'ancheuj
nen avèj na frisa dë speransa
si, i lo sai
as viv ëd pan e nen ëd seugn
la fatiga a l'é greva
ma a l'é 'ncor pì grev
capì ch'it l'has perdù
che ij seugn e le speranse
a son ëstàite fantasìa
mi i vado l'istess
e veuj fé finta che toa vos
a sia giojosa, tò ësguard seren
e la man ch'i strenzo a sia còtia
nen rudia 'd quaj coma toa ànima
andé content për ij senté dla vita
coma quandi ant un di lontan
tò pare a l'ha dite
— Va, masnà,
e ti it l'has chërduje
coma mi i chërdo a ti.