Eròi nen conossù

Sota a le vòlte antiche
j l'hai ancontrà
j'ombre dj'Eròi.
Minca un
a portava 'n cadò 'nt le man,
ël coragi,
la fòrsa,
la purëssa.
Ma 'I cadò pì grand
a l'é nen stàit con lor.
I s-ciairo
le face dla furfa,
ombre bòrgne e grise.
S-ciav, paisan, cite dòne,
mare consumà
ch'a l'han popolà 'I temp
sensa meuire.
A pòrto 'n coragi scur,
na fërmessa sensa confin,
fàita 'd bin,
ch'a serca gnun arconossiment.
Am ven-o 'ncontra
silensiosa furfa 'd gigant
ch'a san nen d'ess-lo,
con un bërluse ch'a quata
col dj'Eroi ancontrà e travëddù
sota le vòlte antiche
d'un temp passà.