A j'ero eròi

Disarma tò euj
goerié dla neuit
serca la lus con mi
marciand sentiroma le vos
ëd fantasma passà
goerié dësformà
pra con fior ëd marmo
ideaj sotrà.
An prima fila
ij perdent, ij distrat
mila bataje, ganse dël deul
glòrie passà
gavëtte 'd giassa
an sël Dòn
fior ross al Martinèt
sacrifissi anònim:
Marisa a piora 'ncora Luis
le prime file
a s-ciopato le man convinte.
Amor amèr, arcòrd doss
afann ëd gambe strache
caviere bianche
pensé dësformà 'd jer,
la pension a basta nen
e pensé che i l'hai dàit tut
ël temp a passa sbëfios
goerié disarma tò euj
prima che man ëd neuit
a dëstisso tò mond
preuva a pioré
preuva a vorèj bin:
chi sàü!