Montagna

Ca sensa muraje
con ij cop fàit ëd cel...
Ca sensa pòrte
për anvité j'amis
a visité tò ateliè
da sartòira.
Chèjvòta it ses
parèj ëd la sgnorëtta
vestìa 'd bianch,
con ij brilant ëd giassa
dantorn al còl.
Chèjvòta it ses
anlupà con ij color
che gnun pitor
a podrà mai mës-cé.
Mincatant,
vergognosa parej
'd na madamin genà,
i të stërme la facia
'nt un brus-cet
ëd nivole grise.
Ma 'd bòt-an-blan,
boriosa coma n'argin-a,
it arfude toe grassie
aj cit òmo dla pian-a.
Ca sensa muraje
con ij cop fàit ëd cel.