Vive

Vive na minuta
për robé a la fantasìa ël seugn
d'avèj trovà 'I senté dla libertà.
Vive për crijé al mond
che 'I buf ëd vent
ch'am gatija,
as ciama libertà!
Vive për canté
al son ëd mila ghitare
cola musica
che mach adess i scoto.
Vive 'nt la gòj
ëd col robarissi,
fòra dla mës-cia grama,
ant ël roliss dij tamborn,
ant lë svanté 'd mila drapò.
Vive për strenze
la man al frel e dije:
« It sente nen
costa lauda giojosa? ».
Vive 'ncora na minuta
mentre 'I temp as na và
negand-te 'I piasì
ëd col robarissi.
Vive con tì,
vita chi të scape,
apress avèj sugnà
trovà e perdù
ël piasì dla libertà.