Seugn

Tute le sèire i ven-e,
iv vëddo, i vë s-ciairo
ant ël seugn magonà.
Con le caviere
ant ël vent ch'a crija.
Gole alvà,
vive,
muscoj tirà 'nt lë sfòrs.
Lë strop as na và
an pressa.
A taja l'aria greva,
la tèra arbomba,
arbomba
sota ij sòco
e mì con vojàutri
'nt una corsa mata.
Për scapé
sità nemisa
e serché le vërde prairije
dle mie anvìe.
Ma im dësvijo
scotand ël tërmolé
dij veder ëd la fnestra,
al passé dël camion
ch'a sgnaca ij mè seugn.